Spelekvelden 02.04.13 vart avlyst sidan det berre møtte 5 medlemer. Tysdag 09.04 var me mange nok til 2 bord, altså lagkamp. Solveig/ Svein A. - Kåre/ Oddmund slo Rolf/ Egil Inge - Arvid/ Knut 24 -6.

Skjerp deko folkens, elles må me avslutta sesongen. Mange lurer på om klubben kan haldast i live.  

F. Tveito - H. Lunde vann den tradisjonelle påsketurneringa framfor Ø. Sæterdal - H. Gustavson, som etter kontrollrekning bytte plass med A. Måkestad - K. Kaupang. Resultat for dei beste:

Alle resultat finn du ved å klikka les mer

Odda bridgeklubb inviterer til påsketurnering på Hardanger Hotel

          tysdag 26. mars kl 17.30.

Krets- og klubbpoeng. Startkontingent kr 100 pr spelar.

Velkomen.

På årsmøtet vart det diskutert mogelege tiltak som kan vera med å auka deltakinga på klubbkveldane. Eitt problem som vart teke opp var at om ein spelar er forhindra ein kveld, vert makkeren gjerne sitjande heime avdi han ikkje bryr seg med å møta opp "på måfå" . Solveig tilbyr seg å vera "kontaktsentral" som folk kan venda seg til om dei manglar makker ein kveld. Skal dette fungera godt, er det nødvendig at alle melder frå til Solveig på tlf  930 34 975 så snart dei vert klar over at dei er makkerlause. Men det er og nødvendig at erfarne, og i eigne auge gode spelarar er villige til å spela ein og annan kveld med makkerar som ikkje er komne fullt så langt. Det kan vera lærerikt for dei urøynde, og vera med på å heva standarden etter kvart

Tradisjonen tru vart årsmøtet 8. februar avslutta med singelturnering. Dei 3 damene som deltok (av totalt 14) plasserte seg som nr 1, 2 og 5. Slå den!!

Resultatliste ( for dei over pari):

Resultat frå tidlegare kveldar - trykk les mer

Det vart heimesiger i joleturneringa, Øystein - Agust vann framfor G. Mogren - K. Heggøy frå Kvinnherad. Turneringa vart vellukka, fyrst og fremst takk vere stor deltaking frå Kvinnherad. Skuffande at berre 5 par frå arrangørklubben stilte. Fullstendig resultatliste finn du ved å trykkja les mer